(குறிப்பு: அப்பர் சுவாமிகளால் மட்டுமே பாடல் பெற்றுள்ள திருத்தலம்)
(அப்பர் தேவாரம்):
(1)
மட்டிட்ட குழலார் சுழலில் வலைப்
பட்டிட்டு மயங்கிப் பரியாதுநீர்
கட்டிட்ட வினை போகக் கருவிலிக்
கொட்டிட்டை உறைவான் கழல் கூடுமே
(2)
ஞாலம் மல்கு மனிதர்காள், நாள்தொறும்
ஏல மாமலரோடு இலை கொண்டுநீர்
காலனார் வருதல்முன், கருவிலிக்
கோலவார் பொழில் கொட்டிட்டை சேர்மினே
(3)
பங்கமாயின பேசப் பறைந்துநீர்
மங்குமா நினையாதே, மலர்கொடு
கங்கை சேர்சடையான் தன் கருவிலிக்
கொங்குவார் பொழில் கொட்டிட்டை சேர்மினே
(4)
வாடி நீர் வருந்தாதே மனிதர்காள்
வேடனாய் விசயற்கருள் செய்த வெண்
காடனார் உறைகின்ற கருவிலிக்
கோடு நீள்பொழில் கொட்டிட்டை சேர்மினே
(5)
உய்யுமாறிது கேண்மின் உலகத்தீர்
பைகொள் பாம்பரையான், படையார்மழுக்
கையினான் உறைகின்ற கருவிலிக்
கொய்கொள் பூம்பொழில் கொட்டிட்டை சேர்மினே
(6)
ஆற்றவும் அவலத்து அழுந்தாதுநீர்
தோற்றும் தீயொடு நீர்நிலம் தூவெளி
காற்றுமாகி நின்றான் தன் கருவிலிக்
கூற்றம் காய்ந்தவன் கொட்டிட்டை சேர்மினே
(7)
நில்லா வாழ்வு நிலைபெறும் என்றெண்ணிப்
பொல்லாவாறு செயப் புரியாதுநீர்
கல்லாரும் மதில்சூழ் தண் கருவிலிக்
கொல்லேறு ஊர்பவன் கொட்டிட்டை சேர்மினே
(8)
பிணித்த நோய்ப் பிறவிப் பிரிவெய்துமாறு
உணர்த்தலாம் இது கேண்மின், உருத்திர
கணத்தினார் தொழுதேத்தும் கருவிலிக்
குணத்தினான் உறை கொட்டிட்டை சேர்மினே
(9)
நம்புவீர்இது கேண்மின்கள், நாள்தொறும்
எம்பிரான் என்று இமையவர் ஏத்தும்
ஏகம்பனார் உறைகின்ற கருவிலிக்
கொம்பனார் பயில் கொட்டிட்டை சேர்மினே
(10)
பாருளீர்இது கேண்மின், பருவரை
பேருமாறு எடுத்தானை அடர்த்தவன்
கார்கொள் நீர்வயல் சூழ்தண் கருவிலிக்
கூர்கொள் வேலினன் கொட்டிட்டை சேர்மினே
தேவாரத் திருப்பதிகங்களுக்கான பாராயண வலைத்தளம்:
சைவ சமயத்திற்கு அளப்பரிய தொண்டாற்றி வரும் பிரதான வலைத்தளங்களில், தேவாரம் உள்ளிட்ட பன்னிரு திருமுறைகளின் மூலம் பேணிப் பாதுகாக்கப் பெற்று வருக...
