(1)
மங்குல் மதிதவழும் மாட வீதி
மயிலாப்பில் உள்ளார், மருகல் உள்ளார்
கொங்கில் கொடுமுடியார், குற்றாலத்தார்
குடமூக்கில் உள்ளார், போய்க் கொள்ளம்பூதூர்த்
தங்குமிடம் அறியார், சால நாளார்
தருமபுரத்துள்ளார், தக்களூரார்
பொங்கு வெண்ணீறணிந்து பூதம் சூழப்
புலியூர்ச் சிற்றம்பலமே புக்கார் தாமே
(2)
நாகம் அரைக்கசைத்த நம்பர் இந்நாள்
நனிபள்ளி உள்ளார், போய் நல்லூர்த் தங்கிப்
பாகப் பொழுதெலாம் பாசூர்த் தங்கிப்
பரிதி நியமத்தார் பன்னிருநாள்
வேதமும் வேள்விப் புகையும் ஓவா
விரிநீர் மிழலை எழுநாள் தங்கிப்
போகமும் பொய்யாப் பொருளுமானார்
புலியூர்ச் சிற்றம்பலமே புக்கார் தாமே
(3)
துறங்காட்டி எல்லாம் விரித்தார் போலும்
தூமதியும் பாம்பும் உடையார் போலும்
மறங்காட்டி மும்மதிலும் எய்தார் போலும்
மந்திரமும் தந்திரமும் தாமே போலும்
அறங்காட்டி அந்தணர்க்கன்றால நீழல்
அறமருளிச் செய்த அரனார் இந்நாள்
புறங்காட்டு எரியாடிப் பூதம் சூழப்
புலியூர்ச் சிற்றம்பலமே புக்கார் தாமே
(4)
வாரேறு வனமுலையாள் பாகமாக
மழுவாள் கையேந்தி மயானத்தாடிச்
சீரேறு தண்வயல்சூழ் ஓத வேலித்
திருவாஞ்சியத்தார், திருநள்ளாற்றார்
காரேறு கண்டத்தார், காமற் காய்ந்த
கண்விளங்கு நெற்றியார், கடல் நஞ்சுண்டார்
போரேறு தாமேறிப் பூதம் சூழப்
புலியூர்ச் சிற்றம்பலமே புக்கார் தாமே
(5)
காரார் கமழ்கொன்றைக் கண்ணி சூடிக்
கபாலம் கையேந்திக் கணங்கள் பாட
ஊரார் இடுபிச்சை கொண்டுழல்லும்
உத்தமராய் நின்ற ஒருவனார்தாம்
சீரார் கழல்வணங்கும் தேவ தேவர்
திருவாரூர்த் திருமூலட்டான மேயார்
போரார் விடையேறிப் பூதம் சூழப்
புலியூர்ச் சிற்றம்பலமே புக்கார் தாமே
(6)
காதார் குழையினர் கட்டங்கத்தர்
கயிலாய மாமலையார் காரோணத்தார்
மூதாயர் மூதாதை இல்லார் போலும்
முதலும் இறுதியும் தாமே போலும்
மாதாய மாதர் மகிழ அன்று
வன் மதவேள் தன்னுடலம் காய்ந்தார் இந்நாள்
போதார் சடைதாழப் பூதம் சூழப்
புலியூர்ச் சிற்றம்பலமே புக்கார் தாமே
(7)
இறந்தார்க்கும் என்றும் இறவாதார்க்கும்
இமையவர்க்கும் ஏகமாய் நின்று சென்று
பிறந்தார்க்கும் என்றும் பிறவாதார்க்கும்
பெரியார்தம் பெருமையே பேச நின்று
மறந்தார் மனத்தென்றும் மருவார் போலும்
மறைக்காட்டுறையும் மழுவாள் செல்வர்
புறந்தாழ் சடைதாழப் பூதம் சூழப்
புலியூர்ச் சிற்றம்பலமே புக்கார் தாமே
(8)
குலாவெண் தலைமாலை என்பு பூண்டு
குளிர்கொன்றைத் தாரணிந்து கொல்லேறேறிக்
கலாவெங் களிற்றுரிவைப் போர்வை மூடிக்
கையோடனலேந்திக் காடுறைவார்
நிலாவெண் மதியுரிஞ்ச நீண்ட மாடம்
நிறைவயல்சூழ் நெய்த்தானம் மேய செல்வர்
புலால்வெண் தலையேந்திப் பூதம் சூழப்
புலியூர்ச் சிற்றம்பலமே புக்கார் தாமே
(9)
சந்தித்த கோவணத்தர் வெண்ணூல் மார்பர்
சங்கரரைக் கண்டீரோ கண்டோம் இந்நாள்
பந்தித்த வெள்விடையைப் பாய ஏறிப்
படுதலையில் என்கொலோ ஏந்திக் கொண்டு
வந்திங்கென் வெள்வளையும் தாமும் எல்லா
மணிஆரூர் நின்றந்தி கொள்ளக் கொள்ளப்
பொன்றீ மணிவிளக்குப் பூதம் பற்றப்
புலியூர்ச் சிற்றம்பலமே புக்கார் தாமே
(10)
பாதங்கள் நல்லார் பரவியேத்தப்
பத்திமையால் பணிசெய்யும் தொண்டர் தங்கள்
ஏதங்கள் தீர இருந்தார் போலும்
எழுபிறப்பும் ஆளுடைய ஈசனார் தாம்
வேதங்கள் ஓதிஓர் வீணையேந்தி
விடையொன்று தாமேறி வேத கீதர்
பூதங்கள் சூழப் புலித்தோல் வீக்கிப்
புலியூர்ச் சிற்றம்பலமே புக்கார் தாமே
(11)
பட்டுடுத்துத் தோல்போர்த்துப் பாம்பொன்றார்த்துப்
பகவனார் பாரிடங்கள் சூழ நட்டம்
சிட்டராய்த் தீயேந்திச் செய்வார் தம்மைத்
தில்லைச் சிற்றம்பலத்தே கண்டோம் இந்நாள்
விட்டிலங்கு சூலமே வெண்ணூல் உண்டே
ஓதுவதும் வேதமே வீணையுண்டே
கட்டங்கங் கையதே சென்று காணீர்
கறைசேர் மிடற்றெம் கபாலியார்க்கே
