ஆதிபுராணத் திருக்குறுந்தொகை:
(1)
வேத நாயகன் வேதியர் நாயகன்
மாதின் நாயகன் மாதவர் நாயகன்
ஆதி நாயகன் ஆதிரை நாயகன்
பூத நாயகன் புண்ணிய மூர்த்தியே
(2)
செத்துச் செத்துப் பிறப்பதே தேவென்று
பத்திசெய் மனப்பாறைகட்கு ஏறுமோ
அத்தன் என்று அரியோடுபிரமனும்
துத்தியம் செயநின்ற நற்சோதியே
(3)
நூறு கோடி பிரமர்கள் நொந்தினார்
ஆறு கோடி நாராயணர் அங்ஙனே
ஏறு கங்கை மணல்எண்ணி இந்திரர்
ஈறிலாதவன் ஈசன் ஒருவனே
(4)
வாது செய்து மயங்கும் மனத்தராய்
ஏது சொல்லுவீர் ஆகிலும் ஏழைகாள்
யாதோர் தேவர் எனப்படுவார்க்கெலாம்
மாதேவன் அலால் தேவர் மற்றில்லையே
(5)
கூவலாமை குரைகடல் ஆமையைக்
கூவலோடொக்குமோ கடல் என்றல்போல்
பாவகாரிகள் பார்ப்பரிதென்பரால்
தேவதேவன் சிவன் பெருந்தன்மையே
(6)
பேய் வனத்தமர்வானைப், பிரார்த்தித்தார்க்கு
ஈவனை, இமையோர்முடி தன்னடிச்
சாய்வனைச், சலவார்கள் தமக்குடல்
சீவனைச் சிவனைச் சிந்தியார்களே
(7)
எரி பெருக்குவர் அவ்வெரி ஈசனது
உருவருக்கமதாவது உணர்கிலார்
அரிஅயற்கரியானை அயர்த்துபோய்
நரி விருத்தமதாகுவர் நாடரே
(8)
அருக்கன் பாதம் வணங்குவர் அந்தியில்
அருக்கனாவான் அரனுரு அல்லனோ
இருக்கு நான்மறை ஈசனையே தொழும்
கருத்தினை நினையார்கள் மனவரே
(9)
தாயினும் நல்ல சங்கரனுக்கன்பர்
ஆய உள்ளத்தமுதருந்தப் பெறார்
பேயர் பேய்முலை உண்டுயிர் போக்கிய
மாயன் மாயத்துப் பட்ட மனத்தரே
(10)
அரக்கன் வல்லரட்டாங்கொழித்து ஆரருள்
பெருக்கச் செய்த பிரான் பெருந்தன்மையை
அருத்தி செய்து அறியப் பெறுகின்றிலர்
கருத்திலாக் கயவக் கணத்தோர்களே
தேவாரத் திருப்பதிகங்களுக்கான பாராயண வலைத்தளம்:
சைவ சமயத்திற்கு அளப்பரிய தொண்டாற்றி வரும் பிரதான வலைத்தளங்களில், தேவாரம் உள்ளிட்ட பன்னிரு திருமுறைகளின் மூலம் பேணிப் பாதுகாக்கப் பெற்று வருக...
