<– புள்ளிருக்கு வேளூர் (வைத்தீஸ்வரன் கோயில்)
(1)
கள்ளார்ந்த பூங்கொன்றை மதமத்தம் கதிர்மதியம்
உள்ளார்ந்த சடைமுடிஎம் பெருமானார் உறையும்இடம்
தள்ளாய சம்பாதி சடாயு என்பார் தாமிருவர்
புள்ளானார்க்கு அரையன்இடம் புள்ளிருக்குவேளூரே
கள்ளார்ந்த பூங்கொன்றை மதமத்தம் கதிர்மதியம்
உள்ளார்ந்த சடைமுடிஎம் பெருமானார் உறையும்இடம்
தள்ளாய சம்பாதி சடாயு என்பார் தாமிருவர்
புள்ளானார்க்கு அரையன்இடம் புள்ளிருக்குவேளூரே
(2)
தையலாள் ஒருபாகம் சடைமேலாள் அவளோடும்
ஐயம் தேர்ந்துழல்வாரோர் அந்தணனார் உறையுமிடம்
மெய்சொல்லா இராவணனை மேலோடி ஈடழித்துப்
பொய் சொல்லாதுயிர் போனான் புள்ளிருக்குவேளூரே
தையலாள் ஒருபாகம் சடைமேலாள் அவளோடும்
ஐயம் தேர்ந்துழல்வாரோர் அந்தணனார் உறையுமிடம்
மெய்சொல்லா இராவணனை மேலோடி ஈடழித்துப்
பொய் சொல்லாதுயிர் போனான் புள்ளிருக்குவேளூரே
(3)
வாசநலம் செய்திமையோர் நாள்தோறும் மலர்தூவ
ஈசனெம் பெருமானார் இனிதாக உறையும்இடம்
யோசனை போய்ப் பூக்கொணர்ந்தங்கொரு நாளும் ஒழியாமே
பூசனை செய்தினிதிருந்தான் புள்ளிருக்குவேளூரே
வாசநலம் செய்திமையோர் நாள்தோறும் மலர்தூவ
ஈசனெம் பெருமானார் இனிதாக உறையும்இடம்
யோசனை போய்ப் பூக்கொணர்ந்தங்கொரு நாளும் ஒழியாமே
பூசனை செய்தினிதிருந்தான் புள்ளிருக்குவேளூரே
(4)
மாகாயம் பெரியதொரு மானுரிதோல் உடையாடை
ஏகாயம் இட்டுகந்த எரியாடி உறையும்இடம்
ஆகாயம் தேரோடும் இராவணனை அமரின்கண்
போகாமே பொருதழித்தான் புள்ளிருக்கு வேளூரே
மாகாயம் பெரியதொரு மானுரிதோல் உடையாடை
ஏகாயம் இட்டுகந்த எரியாடி உறையும்இடம்
ஆகாயம் தேரோடும் இராவணனை அமரின்கண்
போகாமே பொருதழித்தான் புள்ளிருக்கு வேளூரே
(5)
கீதத்தை மிகப்பாடும் அடியார்கள் குடியாகப்
பாதத்தைத் தொழநின்ற பரஞ்சோதி பயிலுமிடம்
வேதத்தின் மந்திரத்தால் வெண்மணலே சிவமாகப்
போதத்தால் வழிபட்டான் புள்ளிருக்குவேளூரே
கீதத்தை மிகப்பாடும் அடியார்கள் குடியாகப்
பாதத்தைத் தொழநின்ற பரஞ்சோதி பயிலுமிடம்
வேதத்தின் மந்திரத்தால் வெண்மணலே சிவமாகப்
போதத்தால் வழிபட்டான் புள்ளிருக்குவேளூரே
(6)
திறங்கொண்ட அடியார்மேல் தீவினைநோய் வாராமே
அறங்கொண்டு சிவதன்மம் உரைத்த பிரான் அமருமிடம்
மறங்கொண்டங்கு இராவணன் தன் வலிகருதி வந்தானைப்
புறங்கண்ட சடாயு என்பான் புள்ளிருக்குவேளூரே
திறங்கொண்ட அடியார்மேல் தீவினைநோய் வாராமே
அறங்கொண்டு சிவதன்மம் உரைத்த பிரான் அமருமிடம்
மறங்கொண்டங்கு இராவணன் தன் வலிகருதி வந்தானைப்
புறங்கண்ட சடாயு என்பான் புள்ளிருக்குவேளூரே
(7)
அத்தியின் ஈருரிமூடி அழகாக அனலேந்திப்
பித்தரைப்போல் பலிதிரியும் பெருமானார் பேணுமிடம்
பத்தியினால் வழிபட்டுப் பலகாலம் தவம்செய்து
புத்தியொன்ற வைத்துகந்தான் புள்ளிருக்குவேளூரே
அத்தியின் ஈருரிமூடி அழகாக அனலேந்திப்
பித்தரைப்போல் பலிதிரியும் பெருமானார் பேணுமிடம்
பத்தியினால் வழிபட்டுப் பலகாலம் தவம்செய்து
புத்தியொன்ற வைத்துகந்தான் புள்ளிருக்குவேளூரே
(8)
பண்ணொன்ற இசைபாடும் அடியார்கள் குடியாக
மண்ணின்றி விண்கொடுக்கும் மணிகண்டன் மருவுமிடம்
எண்ணின்றி முக்கோடி வாணாளது உடையானைப்
புண்ணொன்றப் பொருதழித்தான் புள்ளிருக்குவேளூரே
பண்ணொன்ற இசைபாடும் அடியார்கள் குடியாக
மண்ணின்றி விண்கொடுக்கும் மணிகண்டன் மருவுமிடம்
எண்ணின்றி முக்கோடி வாணாளது உடையானைப்
புண்ணொன்றப் பொருதழித்தான் புள்ளிருக்குவேளூரே
(9)
வேதித்தார் புரமூன்றும் வெங்கணையால் வெந்தவியச்
சாதித்த வில்லாளி கண்ணாளன் சாருமிடம்
ஆதித்தன் மகனென்ன அகல் ஞாலத்தவரோடும்
போதித்த சடாயு என்பான் புள்ளிருக்குவேளூரே
வேதித்தார் புரமூன்றும் வெங்கணையால் வெந்தவியச்
சாதித்த வில்லாளி கண்ணாளன் சாருமிடம்
ஆதித்தன் மகனென்ன அகல் ஞாலத்தவரோடும்
போதித்த சடாயு என்பான் புள்ளிருக்குவேளூரே
(10)
கடுத்துவரும் கங்கைதனைக் கமழ்சடை ஒன்றாடாமே
தடுத்தவர்எம் பெருமானார் தாம்இனிதாய் உறையுமிடம்
விடைத்துவரும் இலங்கைக்கோன் மலங்கச் சென்று இராமற்காப்
புடைத்தவனைப் பொருதழித்தான் புள்ளிருக்கு வேளூரே
கடுத்துவரும் கங்கைதனைக் கமழ்சடை ஒன்றாடாமே
தடுத்தவர்எம் பெருமானார் தாம்இனிதாய் உறையுமிடம்
விடைத்துவரும் இலங்கைக்கோன் மலங்கச் சென்று இராமற்காப்
புடைத்தவனைப் பொருதழித்தான் புள்ளிருக்கு வேளூரே
(11)
செடியாய உடல் தீர்ப்பான் தீவினைக்கோர் மருந்தாவான்
பொடியாடிக்கடிமை செய்த புள்ளிருக்கு வேளூரைக்
கடியார்ந்த பொழிற்காழிக் கவுணியன் சம்பந்தன்சொல்
மடியாது சொல்ல வல்லார்க்கில்லையாம் மறுபிறப்பே
செடியாய உடல் தீர்ப்பான் தீவினைக்கோர் மருந்தாவான்
பொடியாடிக்கடிமை செய்த புள்ளிருக்கு வேளூரைக்
கடியார்ந்த பொழிற்காழிக் கவுணியன் சம்பந்தன்சொல்
மடியாது சொல்ல வல்லார்க்கில்லையாம் மறுபிறப்பே
தேவாரத் திருப்பதிகங்களுக்கான பாராயண வலைத்தளம்:
சைவ சமயத்திற்கு அளப்பரிய தொண்டாற்றி வரும் பிரதான வலைத்தளங்களில், தேவாரம் உள்ளிட்ட பன்னிரு திருமுறைகளின் மூலம் பேணிப் பாதுகாக்கப் பெற்று வருக...
