(1)
செஞ்சடைக் கற்றை முற்றத்திளநிலா வெறிக்கும் சென்னி
நஞ்சடை கண்டனாரைக் காணலா நறவநாறு
மஞ்சடை சோலைத் தில்லை மல்கு சிற்றம்பலத்தே
துஞ்சடை இருள்கிழியத் துளங்கெரி ஆடுமாறே
(2)
ஏறனார் ஏறு தம்பால் இளநிலா வெறிக்கும் சென்னி
ஆறனார் ஆறு சூடி ஆயிழையாளோர் பாக
நாறுபூஞ் சோலைத் தில்லை நவின்ற சிற்றம்பலத்தே
நீறுமெய் பூசி நின்று நீண்டெரி ஆடுமாறே
(3)
சடையனார் சாந்த நீற்றர், தனிநிலா வெறிக்கும் சென்னி
உடையனார் உடைதலையில் உண்பதும் பிச்சையேற்றுக்
கடிகொள்பூந் தில்லை தன்னுள் கருது சிற்றம்பலத்தே
அடிகழல் ஆர்க்க நின்று அனலெரி ஆடுமாறே
(4)
பையரவசைத்த அல்குல் பனிநிலா வெறிக்கும் சென்னி
மையரிக் கண்ணியாளும் மாலுமோர் பாகமாகிச்
செய்யரி தில்லை தன்னுள் திகழ்ந்த சிற்றம்பலத்தே
கையெரி வீசி நின்று கனலெரி ஆடுமாறே
(5)
ஓதினார் வேதம் வாயால் ஒளிநிலா வெறிக்கும் சென்னி
பூதனார் பூதம்சூழப் புலியுரி அதளனார் தாம்
நாதனார் தில்லை தன்னுள் நவின்ற சிற்றம்பலத்தே
காதில்வெண் குழைகள் தாழக் கனலெரி ஆடுமாறே
(6)
ஓருடம்பிருவராகி ஒளிநிலா வெறிக்கும் சென்னிப்
பாரிடம் பாணி செய்யப் பயின்றஎம் பரமமூர்த்தி
காரிடம் தில்லை தன்னுள் கருது சிற்றம்பலத்தே
பேரிடம் பெருக நின்று பிறங்கெரி ஆடுமாறே
(7)
முதல்தனிச் சடையை மூழ்க முகிழ்நிலா வெறிக்கும் சென்னி
மதக்களிற்றுரிவை போர்த்த மைந்தரைக் காணலாகும்
மதர்த்து வண்டறையும் சோலை மல்கு சிற்றம்பலத்தே
கதத்ததோர் அரவமாடக் கனலெரி ஆடுமாறே
(8)
மறையனார் மழுவொன்றேந்தி மணிநிலா வெறிக்கும் சென்னி
இறைவனார் எம்பிரானார் ஏத்துவார் இடர்கள் தீர்ப்பார்
சிறைகொள்நீர்த் தில்லை தன்னுள் திகழ்ந்த சிற்றம்பலத்தே
அறைகழல் ஆர்க்க நின்று அனலெரி ஆடுமாறே
(9)
விருத்தனாய்ப் பாலனாகி விரிநிலா வெறிக்கும் சென்னி
நிருத்தனார் நிருத்தம் செய்ய நீண்டபுன் சடைகள் தாழக்
கருத்தனார் தில்லை தன்னுள் கருது சிற்றம்பலத்தே
அருத்தமா மேனி தன்னோடனலெரி ஆடுமாறே
(10)
பாலனாய் விருத்தனாகிப் பனிநிலா வெறிக்கும் சென்னிக்
காலனைக் காலால் காய்ந்த கடவுளார் விடையொன்றேறி
ஞாலமாம் தில்லை தன்னுள் நவின்ற சிற்றம்பலத்தே
நீலஞ்சேர் கண்டனார்தான் நீண்டெரி ஆடுமாறே
(11)
மதியிலா அரக்கனோடி மாமலை எடுக்க நோக்கி
நெதியன்தோள் நெரிய ஊன்றி நீடிரும் பொழில்கள் சூழ்ந்த
மதியந்தோய் தில்லைதன்னுள் மல்கு சிற்றம்பலத்தே
அதிசயம் போல நின்று அனலெரி ஆடுமாறே
தேவாரத் திருப்பதிகங்களுக்கான பாராயண வலைத்தளம்:
சைவ சமயத்திற்கு அளப்பரிய தொண்டாற்றி வரும் பிரதான வலைத்தளங்களில், தேவாரம் உள்ளிட்ட பன்னிரு திருமுறைகளின் மூலம் பேணிப் பாதுகாக்கப் பெற்று வருக...
