(1)
அந்தமாய் உலகு ஆதியும் ஆயினான்
வெந்த வெண்பொடிப் பூசிய வேதியன்
சிந்தையே புகுந்தான் திருவாரூர்எம்
எந்தை தான்எனை ஏன்றுகொளும் கொலோ
(2)
கருத்தனே, கருதார் புரமூன்றெய்த
ஒருத்தனே, உமையாள்ஒரு கூறனே
திருத்தனே, திருவாரூர்எம் தீ வண்ண
அருத்தஎன் எனைஅஞ்சல் என்னாததே
(3)
மறையன், மாமுனிவன், மருவார் புரம்
இறையின் மாத்திரையில் எரியூட்டினான்
சிறைவண்டார் பொழில்சூழ் திருவாரூர்எம்
இறைவன் தான்எனை ஏன்றுகொளும் கொலோ
(4)
பல்லிலோடு கையேந்திப் பலிதிரிந்து
எல்லி வந்திடுகாட்டு எரியாடுவான்
செல்வ மல்கிய தென் திருவாரூரான்
அல்லல் தீர்த்தெனை அஞ்சலெனும் கொலோ
(5)
குருந்தமேறிக் கொடிவிடு மாதவி
விரிந்தலர்ந்த விரைகமழ் தேன்கொன்றை
திருந்து மாடங்கள் சூழ் திருவாரூரான்
வருந்தும் போதெனை வாடல்எனும் கொலோ
(6)
வார்கொள் மென்முலையாள் ஒரு பாகமா
ஊர்களார் இடுபிச்சை கொள் உத்தமன்
சீர்கொள் மாடங்கள்சூழ் திருவாரூரான்
ஆர்கணா எனை அஞ்சல் எனாததே
(7)
வளைக்கை மங்கை நல்லாளைஒர் பாகமாத்
துளைக்கை யானை துயர்படப் போர்த்தவன்
திளைக்கும் தண்புனல் சூழ் திருவாரூரான்
இளைக்கும் போதெனை ஏன்றுகொளும் கொலோ
(8)
இலங்கை மன்னன் இருபது தோளிறக்
கலங்கக் கால்விரலால் கடைக் கண்டவன்
வலங்கொள் மாமதில் சூழ் திருவாரூரான்
அலங்கல் தந்தெனை அஞ்சலெனும் கொலோ
(9)
நெடிய மாலும் பிரமனும் நேர்கிலாப்
படியவன், பனி மாமதிச் சென்னியான்
செடிகள் நீக்கிய தென்திருவாரூர் எம்
அடிகள் தானெனை அஞ்சலெனும் கொலோ
(10)
மாசு மெய்யினர் வண்துவர் ஆடைகொள்
காசை போர்க்கும் கலதிகள் சொற்கொளேல்
தேச மல்கிய தென்திருவாரூர் எம்
ஈசன் தானெனை ஏன்றுகொளும் கொலோ
(11)
வன்னி கொன்றை மதியொடு கூவிளம்
சென்னி வைத்த பிரான் திருவாரூரை
மன்னு காழியுண் ஞானசம்பந்தன் வாய்ப்
பன்னு பாடல் வல்லார்க்கில்லை பாவமே
தேவாரத் திருப்பதிகங்களுக்கான பாராயண வலைத்தளம்:
சைவ சமயத்திற்கு அளப்பரிய தொண்டாற்றி வரும் பிரதான வலைத்தளங்களில், தேவாரம் உள்ளிட்ட பன்னிரு திருமுறைகளின் மூலம் பேணிப் பாதுகாக்கப் பெற்று வருக...
