(1)
வகையெலாம் உடையாயும் நீயே என்றும்
வான்கயிலை மேவினாய் நீயே என்றும்
மிகையெலாம் மிக்காயும் நீயே என்றும்
வெண்காடு மேவினாய் நீயே என்றும்
பகையெலாம் தீர்த்தாண்டாய் நீயே என்றும்
பாசூர் அமர்ந்தாயும் நீயே என்றும்
திகையெலாம் தொழச் செல்வாய் நீயே என்றும்
நின்ற நெய்த்தானா என் நெஞ்சுளாயே
(2)
ஆர்த்த எனக்கன்பன் நீயே என்றும்
ஆதிக் கயிலாயன் நீயே என்றும்
கூர்த்த நடமாடி நீயே என்றும்
கோடிகா மேய குழகா என்றும்
பார்த்தற்கருள் செய்தாய் நீயே என்றும்
பழையனூர் மேவிய பண்பா என்றும்
தீர்த்தன் சிவலோகன் நீயே என்றும்
நின்ற நெய்த்தானா என் நெஞ்சுளாயே
(3)
அல்லாய்ப் பகலானாய் நீயே என்றும்
ஆதிக் கயிலாயன் நீயே என்றும்
கல்லால் அமர்ந்தாயும் நீயே என்றும்
காளத்திக் கற்பகமும் நீயே என்றும்
சொல்லாய்ப் பொருளானாய் நீயே என்றும்
சோற்றுத்துறை உறைவாய் நீயே என்றும்
செல்வாய்த் திருவானாய் நீயே என்றும்
நின்ற நெய்த்தானா என் நெஞ்சுளாயே
(4)
மின்னேர் இடைபங்கன் நீயே என்றும்
வெண்கயிலை மேவினாய் நீயே என்றும்
பொன்னேர் சடைமுடியாய் நீயே என்றும்
பூத கணநாதன் நீயே என்றும்
என்னா விரதத்தாய் நீயே என்றும்
ஏகம்பத்தென் ஈசன் நீயே என்றும்
தென்னூர்ப் பதியுளாய் நீயே என்றும்
நின்ற நெய்த்தானா என் நெஞ்சுளாயே
(5)
முந்தி இருந்தாயும் நீயே என்றும்
முன்கயிலை மேவினாய் நீயே என்றும்
நந்திக்கருள் செய்தாய் நீயே என்றும்
நடமாடி நள்ளாறன் நீயே என்றும்
பந்திப் பரியாயும் நீயே என்றும்
பைஞ்ஞீலீ மேவினாய் நீயே என்றும்
சிந்திப்ப அரியாயும் நீயே என்றும்
நின்ற நெய்த்தானா என் நெஞ்சுளாயே
(6)
தக்கார் அடியார்க்கு நீயே என்றும்
தலையார் கயிலாயன் நீயே என்றும்
அக்காரம் பூண்டாயும் நீயே என்றும்
ஆக்கூரில் தான்தோன்றி நீயே என்றும்
புக்காய ஏழுலகும் நீயே என்றும்
புள்ளிருக்கு வேளூராய் நீயே என்றும்
தெக்காரு மாகோணத்தானே என்றும்
நின்ற நெய்த்தானா என் நெஞ்சுளாயே
(7)
புகழும் பெருமையாய் நீயே என்றும்
பூங்கயிலை மேவினாய் நீயே என்றும்
இகழும் தலையேந்தி நீயே என்றும்
இராமேச்சுரத்து இன்பன் நீயே என்றும்
அகழும் மதிலுடையாய் நீயே என்றும்
ஆலவாய் மேவினாய் நீயே என்றும்
திகழும் மதிசூடி நீயே என்றும்
நின்ற நெய்த்தானா என் நெஞ்சுளாயே
(8)
வானவர்க்கு மூத்திளையாய் நீயே என்றும்
வானக் கயிலாயன் நீயே என்றும்
கான நடமாடி நீயே என்றும்
கடவூரில் வீரட்டன் நீயே என்றும்
ஊனார் முடியறுத்தாய் நீயே என்றும்
ஒற்றியூர் ஆரூராய் நீயே என்றும்
தேனாய் அமுதானாய் நீயே என்றும்
நின்ற நெய்த்தானா என் நெஞ்சுளாயே
(9)
தந்தைதாய் இல்லாதாய் நீயே என்றும்
தலையார் கயிலாயன் நீயே என்றும்
எந்தாய்எம் பிரான்ஆனாய் நீயே என்றும்
ஏகம்பத்தென் ஈசன் நீயே என்றும்
முந்திய முக்கணாய் நீயே என்றும்
மூவலூர் மேவினாய் நீயே என்றும்
சிந்தையாய்த் தேனூராய் நீயே என்றும்
நின்ற நெய்த்தானா என் நெஞ்சுளாயே
(10)
மறித்தான் வலிசெற்றாய் நீயே என்றும்
வான்கயிலை மேவினாய் நீயே என்றும்
வெறுத்தார் பிறப்பறுப்பாய் நீயே என்றும்
வீழிமிழலையாய் நீயே என்றும்
அறத்தாய் அமுதீந்தாய் நீயே என்றும்
யாவர்க்கும் தாங்கொணா நஞ்சமுண்டு
பொறுத்தாய் புலனைந்தும் நீயே என்றும்
நின்ற நெய்த்தானா என் நெஞ்சுளாயே
தேவாரத் திருப்பதிகங்களுக்கான பாராயண வலைத்தளம்:
சைவ சமயத்திற்கு அளப்பரிய தொண்டாற்றி வரும் பிரதான வலைத்தளங்களில், தேவாரம் உள்ளிட்ட பன்னிரு திருமுறைகளின் மூலம் பேணிப் பாதுகாக்கப் பெற்று வருக...
