(1)
சுண்ண வெண்ணீறணி மார்பில் தோல்புனைந்து
எண்ணரும் பல்கணம் ஏத்த நின்றாடுவர்
விண்ணமர் பைம்பொழில் வெள்ளடை மேவிய
பெண்ணமர் மேனிஎம் பிஞ்ஞகனாரே
(2)
திரைபுல்கு கங்கை திகழ்சடை வைத்து
வரைமகளோடு உடனாடுதிர், மல்கு
விரைகமழ் தண்பொழில் வெள்ளடை மேவிய
அரைமல்கு வாளரவு ஆட்டுகந்தீரே
(3)
அடையலர் தொல்நகர் மூன்றெரித்து, அன்ன
நடை மட மங்கையொர் பாகம் நயந்து
விடை உகந்தேறுதிர், வெள்ளடை மேவிய
சடையமர் வெண்பிறைச் சங்கரனீரே
(4)
வளங்கிளர் கங்கை மடவரலோடு
களம்பட ஆடுதிர் காடரங்காக
விளங்கிய தண்பொழில் வெள்ளடை மேவிய
இளம்பிறை சேர்சடை எம்பெருமானே
(5)
சுரிகுழல் நல்ல துடியிடையோடு
பொரிபுல்கு காட்டிடை ஆடுதிர், பொங்க
விரிதரு பைம்பொழில் வெள்ளடை மேவிய
எரிமழு வாட்படை எந்தை பிரானே
(6)
காவியம் கண் மடவாளொடும் காட்டிடைத்
தீயகல் ஏந்தி நின்றாடுதிர், தேன்மலர்
மேவிய தண்பொழில் வெள்ளடை மேவிய
ஆவினில் ஐந்து கொண்டு ஆட்டுகந்தீரே
தேவாரத் திருப்பதிகங்களுக்கான பாராயண வலைத்தளம்:
சைவ சமயத்திற்கு அளப்பரிய தொண்டாற்றி வரும் பிரதான வலைத்தளங்களில், தேவாரம் உள்ளிட்ட பன்னிரு திருமுறைகளின் மூலம் பேணிப் பாதுகாக்கப் பெற்று வருக...
