(1)
புனலாடிய புன்சடையாய் அரணம்
அனலாக விழித்தவனே, அழகார்
கனல்ஆடலினாய், கழிப்பாலை உளாய்
உனவார் கழல்கை தொழுதுள்குதுமே
(2)
துணையாகஓர் தூவள மாதினையும்
இணையாக உகந்தவனே, இறைவா
கணையால் எயிலெய் கழிப்பாலை உளாய்
இணையார் கழலேத்த இடர் கெடுமே
(3)
நெடியாய், குறியாய்,நிமிர்புன் சடையின்
முடியாய், சுடுவெண் பொடி முற்றணிவாய்
கடியார் பொழில்சூழ் கழிப்பாலை உளாய்
அடியார்க்கடையா அவலம் அவையே
(4)
எளியாய் அரியாய் நிலம் நீரொடுதீ
வளிஆகாயமென வெளிமன்னிய !தூ
ஒளியாய், உனையே தொழுதுன்னும் அவர்க்கு
எளியாய், கழிப்பாலை அமர்ந்தவனே
(5)
நட நண்ணியொர் நாகம் அசைத்தவனே
விட நண்ணிய தூமிடறா, விகிர்தா
கடல் நண்ணு கழிப்பதி காவலனே
உடல் நண்ணி வணங்குவன் உன்அடியே
(6)
பிறையார் சடையாய் பெரியாய், பெரிய
மறையார்தரு வாய்மையினாய், உலகில்
கறையார் பொழில்சூழ் கழிப்பாலை உளாய்
இறையார் கழலேத்த இடர் கெடுமே
(7)
முதிரும் சடையின் முடிமேல் விளங்கும்
கதிர்வெண் பிறையாய், கழிப்பாலை உளாய்
எதிர்கொள் மொழியால் இரந்தேத்தும் அவர்க்கு
அதிரும் வினையாயின ஆசறுமே
(8)
எரியார் கணையால் எயிலெய்தவனே
விரியார் தருவீழ் சடையாய், இரவில்
கரிகாடலினாய், கழிப்பாலை உளாய்
உரிதாகி வணங்குவன் உன்அடியே
(9)
நல நாரணன் நான்முகன் நண்ணலுறக்
கனலானவனே, கழிப்பாலை உளாய்
உனவார் கழலே தொழுதுன்னும்அவர்க்கு
இலதாம் வினைதான் எயிலெய்தவனே
(10)
தவர் கொண்ட தொழில் சமண் வேடரொடும்
துவர் கொணடனர் நுண்துகில் ஆடையரும்
அவர்கொண்டன விட்டடடிகள் உறையும்
உவர் கொண்ட கழிப்பதி உள்குதுமே
(11)
கழியார் பதி காவலனைப், புகலிப்
பழியா மறைஞான சம்பந்தன சொல்
வழிபாடு இவை கொண்டடி வாழ்த்த வல்லார்
கெழியார் இமையோரொடு கேடிலரே
தேவாரத் திருப்பதிகங்களுக்கான பாராயண வலைத்தளம்:
சைவ சமயத்திற்கு அளப்பரிய தொண்டாற்றி வரும் பிரதான வலைத்தளங்களில், தேவாரம் உள்ளிட்ட பன்னிரு திருமுறைகளின் மூலம் பேணிப் பாதுகாக்கப் பெற்று வருக...
