(1)
நெய்தற் குருகுதன் பிள்ளை என்றெண்ணி நெருங்கிச்சென்று
கைதை மடல்புல்கு தென்கழிப்பாலை அதனுறைவாய்
பைதல் பிறையொடு பாம்புடன் வைத்த பரிசறியோம்
எய்தப்பெறின் இரங்காது கண்டாய் நம் இறையவனே
(2)
பருமா மணியும் பவளமுத்தும் பரந்துந்தி வரை
பொருமால் கரைமேல் திரை கொணர்ந்தெற்றப் பொலிந்திலங்கும்
கருமா மிடறுடைக் கண்டன் எம்மான் கழிப்பாலை எந்தை
பெருமான் அவனென்னை ஆளுடையான் இப்பெருநிலத்தே
(3)
நாட்பட்டிருந்து இன்பம் எய்தலுற்று இங்கு நமன் தமரால்
கோட்பட்டு ஒழிவதன் முந்துறவே குளிரார் தடத்துத்
தாள்பட்ட தாமரைப் பொய்கையம் தண்கழிப்பாலை அண்ணற்கு
ஆட்பட்டு ஒழிந்தமன்றே வல்லமாய் இவ்வகலிடத்தே
தேவாரத் திருப்பதிகங்களுக்கான பாராயண வலைத்தளம்:
சைவ சமயத்திற்கு அளப்பரிய தொண்டாற்றி வரும் பிரதான வலைத்தளங்களில், தேவாரம் உள்ளிட்ட பன்னிரு திருமுறைகளின் மூலம் பேணிப் பாதுகாக்கப் பெற்று வருக...
