(1)
மன்னியூர் இறை சென்னியார் பிறை
அன்னியூர் அமர் மன்னு சோதியே
(2)
பழகும் தொண்டர் வம் அழகன் அன்னியூர்க்
குழகன் சேவடி தொழுது வாழ்மினே
(3)
நீதி பேணுவீர் ஆதி அன்னியூர்ச்
சோதி நாமமே ஓதி உய்ம்மினே
(4)
பத்தர் ஆயினீர் அத்தர் அன்னியூர்ச்
சித்தர் தாள் தொழ முத்தர்ஆவரே
(5)
நிறைவு வேண்டுவீர் அறவன் அன்னியூர்
மறையுளான் கழல் குறவு செய்ம்மினே
(6)
இன்பம் வேண்டுவீர் அன்பன் அன்னியூர்
நன்பொன் என்னுமின் உம்பராகவே
(7)
அந்தணாளர் தம் தந்தை அன்னியூர்
எந்தையே எனப் பந்தம் நீங்குமே
(8)
தூர்த்தனைச் செற்ற தீர்த்தன் அன்னியூர்
ஆத்தமா அடைந்து ஏத்தி வாழ்மினே
(9)
இருவர் நாடிய அரவன் அன்னியூர்
பரவுவார் விண்ணுக்கு ஒருவர் ஆவரே
(10)
குண்டர் தேரருக்கு அண்டன் அன்னியூர்த்
தொண்டுளார் வினை விண்டு போகுமே
(11)
பூந்தராய்ப் பந்தன் ஆய்ந்த பாடலால்
வேந்தன் அன்னியூர் சேர்ந்து வாழ்மினே
தேவாரத் திருப்பதிகங்களுக்கான பாராயண வலைத்தளம்:
சைவ சமயத்திற்கு அளப்பரிய தொண்டாற்றி வரும் பிரதான வலைத்தளங்களில், தேவாரம் உள்ளிட்ட பன்னிரு திருமுறைகளின் மூலம் பேணிப் பாதுகாக்கப் பெற்று வருக...
