(1)
பெண்ணியல் உருவினர், பெருகிய புனல்விரவிய பிறைக்
கண்ணியர், கடுநடை விடையினர், கழல்தொழும் அடியவர்
நண்ணிய பிணிகெட அருள் புரிபவர், நணுகுயர் பதி
புண்ணிய மறையவர் நிறைபுகழ் ஒலிமலி புறவமே
(2)
கொக்குடை இறகொடு பிறையொடு குளிர்சடை முடியினர்
அக்குடை வடமுமொர் அரவமும் மலர்அரை மிசையினில்
திக்குடை மருவிய உருவினர், திகழ்மலை மகளொடும்
புக்குடன் உறைவது புதுமலர் விரைகமழ் புறவமே
(3)
கொங்கியல் சுரிகுழல் வரிவளை இளமுலை உமையொரு
பங்கிய திருவுரு உடையவர், பரசுவொடிரலை மெய்
தங்கிய கரதலம் உடையவர், விடையவர் உறைபதி
பொங்கிய பொருகடல் கொளஅதன் மிசைஉயர் புறவமே
(4)
மாதவம்உடை மறையவன் உயிர் கொளவரு மறலியை
மேதகு திருவடி இறையுற உயிரது விலகினார்
சாதக உருஇயல் கானிடை உமை வெருவுற வரு
போதக உரியதள் மருவினர் உறைபதி புறவமே
(5)
காமனை அழல்கொள விழிசெய்து, கருதலர் கடிமதில்
தூமமதுற விறல் சுடர் கொளுவிய இறை தொகுபதி
ஓமமொடுயர் மறை பிறவிய வகை தனொடு ஒளிகெழு
பூமகன் அலரொடு புனல்கொடு வழிபடு புறவமே
(6)
சொல் நயமுடையவர் சுருதிகள் கருதிய தொழிலினர்
பின்னையர் நடுவுணர் பெருமையர், திருவடி பேணிட
முன்னைய முதல்வினை அறஅருளினர், உறை முதுபதி
புன்னையின் முகைநிதி பொதியவிழ் பொழிலணி புறவமே
(7)
வரிதரு புலியதள் உடையினர், மழுவெறி படையினர்
பிரிதரு நகுதலை வடமுடி மிசையணி பெருமையர்
எரிதரும் உருவினர், இமையவர் தொழுவதொர் இயல்பினர்
புரிதரு குழல்உமையொடும் இனிதுறை பதி புறவமே
(8)
வசிதரும் உருவொடு மலர்தலை உலகினை வலிசெயும்
நிசிசரன் உடலொடு நெடுமுடி ஒருபது நெரிவுற
ஒசிதர ஒருவிரல் நிறுவினர், ஒளிவளர் வெளிபொடி
பொசிதரு திருவுரு உடையவர் உறைபதி புறவமே
(9)
தேனக மருவிய செறிதரு முளரிசெய் தவிசினில்
ஊனக மருவிய புலனுகர் உணர்வுடை ஒருவனும்
வானகம் வரையக மறிகடல் நிலனெனும் எழுவகைப்
போனக மருவினன் அறிவரியவர் பதி புறவமே
(10)
கோசர நுகர்பவர் கொழுகிய துவரன துகிலினர்
பாசுர வினைதரு பளகர்கள் பழிதரு மொழியினர்
நீசரை விடுமினி நினைவுறு நிமலர்தம் உறைபதி
பூசுரர் மறைபயில் நிறைபுகழ் ஒலிமலி புறவமே
(11)
போதியல் பொழிலணி புறவநன் நகருறை புனிதனை
வேதியர் அதிபதி மிகுதலை தமிழ்கெழு விரகினன்
ஓதிய ஒருபதும் உரியதொர் இசைகொள உரைசெயும்
நீதியர் அவரிரு நிலனிடை நிகழ்தரு பிறவியே
தேவாரத் திருப்பதிகங்களுக்கான பாராயண வலைத்தளம்:
சைவ சமயத்திற்கு அளப்பரிய தொண்டாற்றி வரும் பிரதான வலைத்தளங்களில், தேவாரம் உள்ளிட்ட பன்னிரு திருமுறைகளின் மூலம் பேணிப் பாதுகாக்கப் பெற்று வருக...
