(1)
கல்லால் நீழல் அல்லாத் தேவை
நல்லார் பேணார் அல்லோம் நாமே
(2)
கொன்றை சூடி நின்ற தேவை
அன்றியொன்று நன்றிலோமே
(3)
கல்லா நெஞ்சின் நில்லான் ஈசன்
சொல்லாதாரோடல்லோம் நாமே
(4)
கூற்றுதைத்த நீற்றினானைப்
போற்றுவார்கள் தோற்றினாரே
(5)
காட்டுளாடும் பாட்டுளானை
நாட்டுளாரும் தேட்டுளாரே
(6)
தக்கன் வேள்விப் பொக்கம் தீர்த்த
மிக்க தேவர் பக்கத்தோமே
(7)
பெண்ஆணாய விண்ணோர் கோவை
நண்ணாதாரை எண்ணோ நாமே
(8)
தூர்த்தன் வீரம் தீர்த்த கோவை
ஆத்தமாக ஏத்தினோமே
(9)
பூவினானும் தாவினானும்
நாவினாலும் நோவினாரே
(10)
மொட்டமணர் கட்டர் தேரர்
பிட்டர் சொல்லை விட்டுளோமே
(11)
அந்தண் காழிப் பந்தன் சொல்லைச்
சிந்தை செய்வோர் உய்ந்துளோரே
தேவாரத் திருப்பதிகங்களுக்கான பாராயண வலைத்தளம்:
சைவ சமயத்திற்கு அளப்பரிய தொண்டாற்றி வரும் பிரதான வலைத்தளங்களில், தேவாரம் உள்ளிட்ட பன்னிரு திருமுறைகளின் மூலம் பேணிப் பாதுகாக்கப் பெற்று வருக...
