(1)
பார்கொண்டு மூடிக் கடல்கொண்ட ஞான்று, நின் பாதமெல்லாம்
நாலஞ்சு புள்ளினம் ஏந்தின என்பர், நளிர்மதியம்
கால்கொண்ட வண்கைச் சடைவிரித்தாடும் கழுமலவர்க்கு
ஆளன்றி மற்றும்உண்டோ அந்தண்ஆழி அகலிடமே
(2)
கடையார் கொடிநெடு மாடங்கள் எங்கும் கலந்திலங்க
உடையான், உடைதலை மாலையும் சூடி உகந்தருளி
விடைதான் உடைய அவ்வேதியன் வாழும் கழுமலத்துள்
அடைவார் வினைகள்அவை எள்க நாள்தொறும் ஆடுவரே
(3)
திரைவாய்ப் பெருங்கடல் முத்தம் குவிப்ப முகந்துகொண்டு
நுரைவாய் நுளைச்சியர் ஓடிக் கழுமலத்துள்ளழுந்து
விரைவாய் நறுமலர் சூடிய விண்ணவன் தன்னடிக்கே
வரையாப் பரிசிவை நாள்தொறும் நம்தமை ஆள்வனவே
(4)
விரிக்கும் அரும்பதம் வேதங்களோதும், விழுமியநூல்
உரைக்கில், அரும்பொருள் உள்ளுவர் கேட்கில், உலகமுற்றும்
இரிக்கும் பறையொடு பூதங்கள் பாடக் கழுமலவன்
நிருத்தம் பழம்படியாடும் கழல் நம்மை ஆள்வனவே
(5)
சிந்தித்தெழு மனமே, நினையாமுன் கழுமலத்தைப்
பந்தித்த வல்வினை தீர்க்கவல்லானைப், பசுபதியைச்
சந்தித்த காலம் அறுத்தும் என்றெண்ணி இருந்தவர்க்கு
முந்தித் தொழுகழல் நாள்தொறும் நம்தமை ஆள்வனவே
(6)
நிலையும் பெருமையும் நீதியும் சால அழகுடைத்தாய்
அலையும் பெருவெள்ளத்தன்று மிதந்த இத்தோணிபுரம்
சிலையில் திரிபுர மூன்றெரித்தார்தம் கழுமலவர்
அலரும் கழலடி நாள்தொறும் நம்தமை ஆள்வனவே
(7)
முற்றிக் கிடந்து முந்நீரில் மிதந்துடன் மொய்த்தமரர்
சுற்றிக் கிடந்து தொழப்படுகின்றது, சூழரவம்
தெற்றிக் கிடந்து வெங்கொன்றளம் துன்றி வெண்திங்கள் சூடும்
கற்றைச் சடைமுடியார்க்கிடமாய கழுமலமே
(8)
உடலும் உயிரும் ஒருவழிச் செல்லும் உலகத்துள்ளே
அடையும்உனை வந்தடைந்தார் அமரர் அடியிணைக்கீழ்
நடையும் விழவொடு நாள்தொறும் மல்கும் கழுமலத்துள்
விடையன் தனிப்பதம் நாள்தொறும் நம்தமை ஆள்வனவே
(9)
பரவைக் கடல் நஞ்சம் உண்டதும் இல்லை, இப்பார் முழுதும்
நிரவிக் கிடந்து தொழப்படுகின்றது, நீண்டிருவர்
சிரமப்பட வந்து சார்ந்தார் கழலடி காண்பதற்கே
அரவக் கழலடி நாள்தொறும் நம்தமை ஆள்வனவே
(10)
கரையார் கடல்சூழ் இலங்கையர்கோன் தன் முடிசிதறத்
தொலையா மலரடி ஊன்றலும் உள்ளம் விதிர்விதிர்த்துத்
தலையாய்க் கிடந்துயர்ந்தான் தன் கழுமலம் காண்பதற்கே
அலையாப் பரிசிவை நாள்தொறும் நம்தமை ஆள்வனவே
தேவாரத் திருப்பதிகங்களுக்கான பாராயண வலைத்தளம்:
சைவ சமயத்திற்கு அளப்பரிய தொண்டாற்றி வரும் பிரதான வலைத்தளங்களில், தேவாரம் உள்ளிட்ட பன்னிரு திருமுறைகளின் மூலம் பேணிப் பாதுகாக்கப் பெற்று வருக...
